Баянзүрх сумын эмнэлгийн анхны гал голомтыг Хайсын Хамар даваа /гүн жалгын ам / гэдэг газрын нарлаг сайхан дэнж дээр 1934 оны 9-р сарын 20-нд эсгий гэр барьж Ренчингийн Жамбалын хүү Дамба хэтээр ууль асааж аргалд гал ноцоосноор эмнэлгийн анхны суурь тавигджээ.
Дамба нь тэр жил цэргээс халагдаж ирээд Хөвсгөл аймагтаа 1934 онд 3 сарын курс хийж, санитарч болоод ирэхэд нь эцэг Жамбал нь “Хүү минь доктор болоод ирлээ” гэж баярлаад 12 толгойтой 4 ханатай эсгий гэрийг тусламж болгон өгсөн нь тэр ажээ.
1948 онд эмнэлгийн байрыг өргөтгөж 4 өрөө барилга болгосон. 1969 онд анхны эмийн сантай болж эмийн санчаар Дарьжав ажиллаж, 1981оноос Ш.Ичинхорлоо , Н.Мөнхзул нар ажиллаж байв.
1970 оны 7-р сард бага эмчийн салбарыг их эмчийн салбар болгон өргөжүүлэн эрхлэгчээр АУДС төгссөн Жамсрангийн Догсмаа ажиллаж анхны эх баригчаар Дэмбэрэлийн Саранцэцэг нар ажиллаж олон нитийн талархал хүлээсэн эмч нар болов.
2012 оноос сумын “Эрүүл мэндийн төв” болон өргөжин эрхлэгч эмчээр Л.Бямбасүрэн дотрын эмч Д.Баасанжаргал, Нийгмийн эрүүл мэндийн ажилтан П.Энхтуяа , дүн бүртгэгч эмч Л.Ганбаатар, ахлах сувилагч Д.Золзаяа, эх баригч Л.Дэлгэрмөрөн, нябо Г.Уртнасан, ээлжийн сувилагчаар Н.Баянжаргал, М.Булганчимэг, Р.Энхмандал, вакцины сувилагч Л.Оюун, лаборант ариутгагч Д.Сэлэнгэ, багийн эмчээр Д.Эрхүн, М.Мөнхчимэг, Ш.Баасандулам, Г.Гэлэгбаатар, нярав Б.Наранчимэг , асрагч Ц.Цацралцуяа, Ш.Дуулга, тогооч С.Энх-Амгалан, угаагч Я.Эрдэнэцэцэг, үйлчлэгч Б.Будхишиг, жолооч Б.Лхагва-Очир , галч М.Хадбаатар, Л.Пүрэвдорж , Н.Цэрэнбат, Д.Батцогт эмийн санч Н.Мөнхзул нар ажиллаж байв.
